موقع " To and from the airport "

ناس كتير جدا مبتبقاش عارفه تركب منين وانهي مواصلات توصلها للفندق او وسط البلد من مطار البلد اللي هتروحها
احيانا بيبقي الفندق عامل توصيله مجانا من و الي الفندق بس مش كل الفنادق فيها الاوبشن دة وغالبا بيكون الفندق غالي عشان يقدم رفاهيه بالحجم دة
طيب لو الفندق مش عامل توصيله مجاني من و الي الفندق ؟؟
أو لو انت اصلا مش عايز تروح الفندق الاول وعايز تنزل وسط البلد في البلد اللي هتروحها الاول ؟

ساعتها ناس كتير هتضطر تركب تاكسي من المطار وطبعا دة خراب بيوت خصوصا في لبنان او دبي او طوكيو او سنغافورة والبلاد الغاليه ف المعيشه عموما
( ابن عمي مرة خد تاكسي من مطار برشلونه ب 39 يورو ) .. ال 39 يورو دول في بعض بلاد شرق اسيا يكفوك 3 ايام بلياليهم 😂
ناس كتير هتقول ما يركب " اوبر " من المطار وينجز .. هو حل كويس بس برضو مش هو ارخص حاجه لو عايز توفر وتسافر ببادجيت قليله
طب ايه الحل ؟
جبتلكم النهاردة موقع سحري .. موقع اسمه
" To and from the airport "
http://www.toandfromtheairport.com/
الموقع دة بتروح تكتب فيه اسم المطار واسم المدينه اللي هتوصلها وهو هيجبلك تقرير كامل عن كل انواع المواصلات المتاحه من المطار بكل الاسعار وكل مواعيدها
وكمان الموقع دة هيخليك تعرف اسعار التاكسيات هناك عامله ازاي عشان ميتنصبش عليك من سواقين التاكسي وتكون مفتح وعارف الرينج بتاع الاسعار كام
اما بقي لو انت مظبط مع خالك ابراهيم فتح الباب وهيروح ياخدك من المطار وهيوصلك فده موضوع تاني وساعتها مش هتحتاج البوست 😂

شاركه على فيسبوك شاركه على تويتر شاركه على جوجل بلس

عن Sciencelover