الشرح الوافي والمفصل لطريقة استخدام عملاق صياغة المراجع Mendeley

سواء كنت باحث أو بتحضر ماجستير أو دكتوراه أو شخص مهتم بالبحث العلمى فالبوست ده ليكم
Mendeley هو أفضل موقع لإدارة الReferences فى العالم
أولاً هتدخل على الموقع : https://www.mendeley.com/
وتعمل Create account عليه وبعد كده تحمل البرنامج عندك على الDesktop

________________________________________
ثانياً : البرنامج لما يفتح معاك كما فى (Figure 1) ،
أول حاجة من قائمة Tools هتختار Install MS word plugin عشان تربطه بالWord
رقم (1) كلمة Add هتختار منها add folder يعنى الملف اللى بيحوى جميع الPapers الخاصة ببحثك
لما تضيفها هتظهر ليك زى ما موجودة فى رقم(3) كده ، لما تضغط على أى بيبر هتتفتح عادى جدا وتقدر تقراها فى ميندلى لأنه فيه أوبشن أنه يفتح ملفات الPDF وتظهر ليك بيانات الPaper فى الجنب اللى هى رقم (4)
كلمة Folder فى رقم (1 ) يعنى انت ممكن تعمل ملف تسميه باى اسم وتضيف فيه اللى انت عايزه 

______
ثاالثا : نيجى لموضوعنا احنا عايزين نعمل اقتباس للبيبر من ميندلى هيتن ازاى ؟!
بما انك ربطه بالWord فهيظهر ليك فى ايقونه الReferences كما هو موضح فى ((Figure 2
لما تفتح بيبر من ميندلى وتأخد منها نص معين بعد كده هتضع النص ده فى برنامج الWord زى ما موجود كده
ثم هتضغط على كلمة Insert citation هتظهر ليك أيقونه إضغط على كلمة Go to Mendeley ، بعد كده البرنامج هيفتح ميندلى عادى جداً هتروح ضاغط على كلمةCite هتظهر ليك كما هو متعلم باللون الأحمر بجوار النص.
رقم (2) هتضغط عليها هيظهر لك البيانات الببليوجرافيه للبحث زى (اسماء المؤلفين وسنة النشر وعنوان البحث .... الخ) كما هو متعلم باللون الاخضر.
رقم 3 ده Styles مختلفة لكتابة المراجع تقدر تتحكم فيها وتكتبه بالشكل اللى مطلوب منك.

مهم جدا انك تسجل على الموقع ، والتسجيل متاح لاى حد بايميل الYahoo أو الGmail وغيره

ميندلى يعتبر الFacebook بتاع الباحثين وعبارة عن كنز حقيقى لاى حد بادئ او استاذ كبير فى مجاله
ده اللينك بتاع الموقع : https://www.mendeley.com/
، بمجرد ما هتسجل هتظهرلك الصفحة دى اللى موجودة فى  (Figure 1)

*  رقم 1 (Feed): ودى الصفحة اللى تقدر تنزل عليها الابحاث بتاعتك وتشاركها مع الناس فى مجالك وده مهم لأن كل ما قدرت تنشر بحثك اكثر ناس اكتر هتشوفه وبالتالى هيزيد الCitations على أبحاثك ، وتقدر كمان تعمل فولو للمختصين فى مجالك وتشوف كل جديد عندهم. كمان هتلاقى الباحثين منزلين ابحاثهم فتقدر تنزل الأبحاث بالضغط فقط على Get full text ولا أجدعها Sci_hub ههههه

*رقم 2 (Library) : بتيح لك اإنك تنزل أحاثك كلها وتحتفظ بيها فى مكتبة ميندلى وتقراها من المكتبة كمان الكلام ده فى (Figure 4) ، النقطة الأهم إنك لو مثلاً مشترك فى جروب بحثى أو أستاذ جامعى بيشرف على مجموعة من الباحثين فتقدر تعمل Group تجمع عليه كل الباحثين وترفع الأبحاث كلها فى نقطتكم البحثية وتقدر تضيف عليها تعليقات وملاحظات وتعمل Highlights على الجزء المهم وتكتب Notes كمان ، هتلاقوا الكلام ده فى (Figure 5)

 *رقم 3 (Suggest) والصفحة دى بتقترح عليك كل الأبحاث اللى خاصة فى النقطة اللى أنت مهتم بيها ن فلو أنت مهتم مثلاً بالCancer immunotherapy هتلاقى أبحاث مقترحه عليك فى نفس النقطة وهكذا ....

* رقم 4 (Groups) : من هنا تقدر تعمل Groups وتضيف فيه الباحثين زى ما شرحت فى نقطة رقم 2

*رقم 5 (Datasets) دى عبارة عن قواعد بيانات عن كل ما لذ وطاب من العلم من أبحاث وصور وفيديوهات ، ميندلى بيحوى 9.2 مليون قاعد للبيانات، إدخل فيها واستمتع

*رقم 6 (Careers): مهم جداً وأنت بتسجل تكتب أنت تخصصك إيه واهتماماتك وشغلك لأن بيجيلك وظائف تتاح على حسب تخصصك ووظائف روعة بجد خاصة اللى خلصوا ماجستير ودكتوراه ولا اجدعها Linkedin هههه

*رقم 7 (Funding) : ودى تهم الراسخون فى العلم بقى ، فممكن تحصل على تمويل لأحد مشروعاتك البحثية من النقطه دى ، وتقدر كمان تشوف هم مهتمين بإيه ؟! وبيمولوا أبحاث إيه ؟!!!

شاركه على فيسبوك شاركه على تويتر شاركه على جوجل بلس

عن Sciencelover